Atyraý oblysynyń iri kásiporyndar Elbasynyń úndeýine qoldaý bildirdi, dep habarlaıdy QazAqparat.

«Atyraý oblysynyń jetekshi kásiporyndary, Elbasynyń koronavırýske qarsy kúres qoryn qurý týraly málimdemesin tolyqtaı qoldaımyz. Bundaı kúrdeli kezde eshkim ortaq isten tys qalmaýy tıis. Bizdiń kásiporyndardyń ujymdary epıdemıa qaterin jete túsinip otyr jáne jaýapkershilik tanytyp, azamattyq sanaǵa súıenip, koronavırýske qarsy kúreske belsene atsalysýǵa ázir. Búginde bizdiń kásiporyndarymyz medısınalyq mekemeler men medısınalyq personalǵa úlken kómek kórsetip jatyr. Qomaqty qarajat bólinip, oǵan qajetti medısınalyq jabdyqtar, teplovızorlar, jeke qorǵaný quraldary satyp alynýda. Elbasynyń málimdemesi kúrdeli kezeńdegi jaqsy jańalyq bolyp, rýhanı qýat beredi» - delingen úndeý mátininde.

Sondaı-aq, iri kásiporyndar ókilderi áleýmettik jaýapkershilik tanytatynyn jetkizdi.

«Biz talaı qıyn-qystaý zamandy basymyzdan keshirip, árdaıym qıyndyqtardy jeńip keldik. Áleýmettik jaýapkershilik tanytyp jáne qoǵamymyzdyń birligin saqtap, biz bul qaterli ınfeksıany da jeńemiz, azamattardyń densaýlyǵyn jaqsartamyz», - deıdi olar.

Úndeýge «Tenizshevroıl» JSHS, «NCOC» kompanıasy, «Embimunaıgaz» AQ syndy iri kásiporyndar qoldaý bildirdi.